Organizata Botërore e Shëndetit (OBSH) tha të martën se ishte e shqetësuar se përhapja e virusit të ri të koronës ishte inkurajuar nga njerëzit në të 20-at, 30-at, 40-at, ku shumë prej tyre nuk ishin të vetëdijshëm se ishin infektuar, duke paraqitur një rrezik për grupet e cenueshme.
Zyrtarët e OBSH thanë që këtë muaj përqindja e të rinjve në botë në mesin e atyre të infektuar u ngrit, duke kërcënuar grupe të cenueshme në të gjithë botën, përfshirë të moshuarit dhe të sëmurët në zona me popullsi të dendur me kujdes të dobët shëndetësor.
“Epidemia po ndryshon,” tha drejtori rajonal i OBSH-së Takeshi Kasai në një konferencë virtuale. “Njerëzit në moshën 20, 30, 40 vjeç janë përhapësit gjithnjë e më shumë të infeksionit. Shumë prej tyre nuk janë fare në dijeni se janë të infektuar.”
“Kjo rrit rrezikun e transmetimit”, shtoi ai.
Ndërsa infeksioni ri-përhapet, shumë vende kanë ri-vendosur masa shtrënguese pasi kompanitë kërkojnë të gjejnë një vaksinë për virusin që ka kërcënuar ekonomitë, ka marrë jetën e më shumë se 770,000 njerëzve dhe ka infektuar afër 22 milion, sipas Reuters.
“Ajo që ne po vëzhgojmë nuk është thjesht një rishfaqje e infeksionit. Ne besojmë se ky është një sinjal se kemi hyrë në një fazë të re të pandemisë në Azi-Paqësor,” tha Kasai.
Krijimi i një vaksine
Edhe pse janë vërejtur mutacione në virus, OBSH ende e konsideron atë “relativisht të qëndrueshmë”, tha Kasai.
OBSH gjithashtu kujtoi prodhuesit e ilaçeve që të ndjekin të gjitha hapat e nevojshëm në kërkime dhe zhvillim kur krijojnë një vaksinë.
Këshilltari i OBSH-së për ilaçet, Socorro Escalante tha se OBSH po punon me Rusinë, e cila këtë muaj u bë vendi i parë që dha miratimin rregullator për vaksinën COVID-19.
Infeksioni është përhapur përsëri në vendet që kishin virusin nën kontroll, përfshirë Vietnamin, ku deri vonë, në sajë të masave të rrepta, nuk kishte një transmetim të brendshëm të infeksionit për tre muaj.
“Shpresojmë të marrim një përgjigje për sa i përket provave të kësaj vaksine të re,” tha Escalante. /tesheshi.com/
