Manchester United mund të jetë njëra ndër skuadrat më të përforcuara të dala nga merkatoja e kësaj vere, por rrjeti i lojtarëve të cilët i kishin targetuar “djajtë”, kanë dështuar në pjesën më të madhe të tyre. Ed Woodward, drejtor sportiv në skuadrën e Old Traford është shndërruar nga “gjeniu” në një dështim për t’i bindur lojtarët e mëdhenj që të transferohen në teatrin e Ëndrrave.
Pavarësisht transferimit të lojtarëve të mëdhenj si Memphis Depay, Bastian Schweinsteiger, Morgan Schneiderlin e disa të tjerë, dështimi i transferimit të Pedro Rodriguez i cili shkoi drejt skuadrës londineze Chelsea e ka bërë target të sulmeve Woodwardin i cili ka një listë të gjatë të lojtarëve të cilët e kanë refuzuar këtë merkato.
Reparti i mbrojtjes
Zyrtarizimi i portierit spanjoll David De Gea te Real Madridi pritet të ndodhë dita e ditës, ndërkohë që drejtori sportiv Ed Woodward nuk arriti ta bindte për të rinovuar kontratën me “djajtë”, pavarësisht ofertës shumëmilionëshe.
Leighton Baines ka qenë objektiv i tij i parë me të ardhur në postin e drejtorit sportiv tek Man United, mirëpo dështoi të marrë në paketë Marouane Feillaini dhe në fund mbeti vetëm me belgun. Sergio Ramos ishte emri më i përforlur i merkatos së kësaj vere. Kapiteni i Real Madridit vendosi të zgjasë kontratën me klubin mbretëror ndwrsa refuzoi milionat e ofruara nga Woodward, njësoj si kishte bërë Mats Hummels, kapiteni i Dortmundit.
Transferimi në Manchester City i argjentinasit Nicolas Otamendi gjithashtu ka qenë një goditje e fortw për të, pasi ishte target i United prej njw kohe të gjatë.
Reparti i mesfushës
Woodward ishte gati të nënshkruante me ish- mesfushorin e Barcelonës, Cesc Fabregas në turneun parasezonal në Sydney të Australisë në vitin 2013. Por, sërish ishte skuadra londineze Chelsea që ka hyrë në pazarin e djajve për ta rrëmbyer spanjollin.
25 milionë euro të tjera të ofruara për mesfushorin gjerman Toni Kroos ishin të pamjaftueshme për ta bindur mjeshtrin e pasimeve të transferohej në Old Traford, deri sa ai mori biletën drejt Madridit për të nënshkruar me 10 herë kampionët e Europës.
Reparti i sulmit
Ed Woodward kishte plane të qarta dhe ambicje të mëdha me ish-trajnerin e United, David Moyes sa i përket repartit të sulmit. Gareth Bale duke mos gjetur formën e tij më të mirë te Real Madridi ishte objektiv kryesor i Woodward për ta transferuar në Angli. Por, as shumat marramendëse të ofruara nuk i kanë bërë përshtypje madrilienëve që të dëgjojnë të paktën ofertën për uellsianin.
Thomas Muller mbetet ende cak i Woodward deri sa ka ofruar së fundmi 85 milionë euro për sulmuesin gjerman. Por, edhe Muller sikurse të tjerët para tij nuk e ka ndarë mendjen për një lëvizje të mundshme, duke bërë kështu drejtorin sportiv të Manchester United, Ed Hoodward të duket si një dështak I vërtetë nga një gjeni i jashtëzakonshëm. /tesheshi.com/
