Nigeriani, tashmë kapiten i përfaqësueses së vendit të tij, ka zgjedhur të flasë përsëri për ish-trajnerin te Çelsi, portugezin Mourinho, për të cilin nuk i kursen kritikat.
John Obi Mikel do të deklaronte në janar se me ish-trajnerin e tij, në atë kohë të pushuar, nuk kishte pasur asnjë lloj komunikimi, diçka që kishte ndryshuar me ardhjen e trajnerit të përkohshëm, holandezit Guus Hiddink.
Ai luajti vetëm në pesë takime të Çelsit në këtë sezon për sa kohë ishte Mourinho, e tani është bërë i pazëvendësueshëm në formacion.
“Mendoj se vetëbesimi është gjithçka. Nëse një trajner nuk beson në ju, nuk mund të keni assesi sukses,” ka thënë mesfushori nigerian. Duke iu referuar Mourinho-s, “Edhe nëse i bëni gjërat siç duhet, do ta gjejë një gabim diku.”
“Ai nuk kishte më tek unë atë besim të patur më herët. Mbase vendosi t’i bënte gjërat ndryshe, e nuk pati më nevojë për mua,” tregon Obi Mikel.
Mesfushori i Çelsit e qorton portugezin për shkatërrim të vetëbesimit, “Kur vjen një trajner, ai kërkon të ketë njerëzit në të cilët beson. Nëse nuk beson te ju, nuk ju fut në lojë. E mendoj se i takon një trajneri t’i japë vetëbesim lojtarit.”
Krahasimi me trajnerin aktual të Çelsit, holandezin Guss Hiddink, i vjen për mbarë nigerianit. Ja ç’thotë ai: “Hiddink erdhi, foli me mua, më dha vetëbesim, dhe tani kam luajtur 20 ndeshje, e jemi në pozitën më të mirë, ku nuk kemi qenë gjatë gjithë sezonit.” /tesheshi.com/
