Presidenti Barack Obama ka urdhëruar një rishikim të plotë të sulmeve kibernetike përpara se të largohet nga posti. Bëhet fjalë për sulmin që mund të jetë bërë gjatë zgjedhjeve presidenciale të këtij viti. Lajmi është bërë i ditur nga Shtëpia e Bardhë këtë të premte.
Këtë herë ka qenë Lisa Monaco, këshilluesja e Obamës për çështjet anti terroriste dhe sigurinë, ajo që ka përsëritur kërkesat e bëra nga demokratët për më shumë informacion në lidhje me një sulm të mundshëm gjatë zgjedhjeve, për të cilin administrata e Obamës ka akuzuar Rusinë.
“Ne mund të kalojmë në një fazë të re ku duhet të shikojmë se çfarë ka ndodhur,të ndërmarrim veprime të reja dhe të nxjerrim një mësim nga gjithë kjo që ka ndodhur”, – tha Monaco për reporterët./tesheshi.com/
