Presidenti amerikan Barack Obama ka deklaruar se kandidati republikan për postin presidencial nuk është i përshtatshëm për atë detyrë.
Duke u folur gazetarëve përkrah kryeministrit të Singaporit, Obama është shprehur për Trump-in: “Kandidati republikan është i papërshtatshëm për të shërbyer si president. E thashë këtë javën e shkuar, dhe ai vazhdon ta provojë këtë.”
Obama e ka bërë të qartë se opinioni i tij nuk ka të bëjë me politikat, por se është diçka ndryshe.
“Kjo është ndryshe nga thjesht të paturit mosmarrëveshje politike. Mendoj se kam patur të drejtë që Mitt Romney dhe John McCain gabonin në çështje të caktuara politike, por kurrë nuk kam menduar se nuk mund ta bënin punën.”
Presidenti i SHBA-ve tha se sa herë Trump-i nxiste polemika të reja mbi çështje të caktuara, republikanët ndjeheshin të shtrënguar të distancoheshin prej kandidatit të tyre. Sipas tij, do të vijë momenti kur ata do ta tërheqin mbështetjen për të, diçka që nuk ka ndodhur gjer tani. /tesheshi.com/
