Salomon dhe Fede Obama janë dy futbollistët më të rinj të Atletiko Madridit. Klubi spanjoll dje bëri të ditur listën e futbollistëve të cilët do luajnë në Ligën e Kampionëve për të rinjtë deri nën moshën 19 vjeç dhe pjesë e tyre ishin edhe dy vëllezërit 15-vjeçar me mbiemrin Obama.
Ndonëse nuk kanë lidhje me presidentin amerikan, Barack Obama, Salomon dhe Fede shumë shpejt mund të bëhen të njohur në Europë. Jo vetëm për shkakun e mbiemrit, por edhe për shkak të cilësisë së tyre.
Atletiko ka vendosur t’i fusë në listë me të rriturit dy pesëmbëdhjetëvjeçarët, të cilët shihen si e ardhmja e klubit madrilien. /tesheshi.com/
