Presidenti i SHBA-ve u ka dhënë përgjigje në një konferencë shtypi të premten fjalëve për një përfshirje të amerikanëve në tentativën për grusht shteti në Turqi.
“Raportimet se ne kemi patur më herët dijeni për një përpjekje për grusht shteti, se ka patur një përfshirje amerikane në të,… janë tërësisht të rreme, qartësisht të rreme.”
Prej ditësh kanë mbizotëruar zërat se prapa grushtit ushtarak në Turqi është Uashingtoni, gjë që e ka detyruar Barack Obama-n të reagojë publikisht.
Obama e dënoi po ashtu rishtas përpjekjen për grusht shteti, duke e garantuar në të njëjtën kohë Turqinë se kërkesa për ekstradimin e Fethullah Gylenin do të trajtohej në përputhje me ligjet amerikane.
Materialet me kërkesën për ekstradimin e klerikut të akuzuar për grushtin e shtetit janë tashmë në duart e autoriteteve amerikane. /tesheshi.com/
