Temperaturat e larta të ditëve të fundit fatkeqësisht kanë shënuar dhe viktimat e para. Mësohët se të paktën pesë persona kanë ndërruar jetë në kryeqytetin bullgar, për shkak të një vale të fortë të të nxehtit që ka prekur vendin, nga temperatura që arrijnë deri në 44 gradë Celcius.
Në mesin e të vdekurve në Sofje, është dhe një 75 vjeçar i cili humbi jetën nga i nxehti në rrugët e kryeqytetit.
75-vjeçari ishte duke shkuar në parkun e qytetit, ndërkohë ai është rrëzuar dhe ka gjetur vdekjen, transmeton stacioni televiziv bTV.
Deri në mesditë e 1 korrikut, në total 178 persona u rrëzuan për shkak të temperaturave të larta në Sofje.
Në qytet u dha alarmi për një mot të rrezikshëm, ndërsa shumica e Bullgarisë i nënshtrohej vigjiljes së nivelit më të lartë të nxehtësisë. Parashikimi i lartë për disa qytete ishte për temperaturat mbi 40 gradë Celcius.
Mjekët e emergjencave në Bullgari u kërkuan qytetarëve që të qëndronin në shtëpi, të pinin shumë ujë dhe lëngje joalkolike dhe të shmangnin konsumimin e alkoolit dhe ushqimeve të rënda.
“Në mesditë, ekipet e shpëtimit i kanë dhënë asistencë rreth 200 personave që ndodheshin në gjendje të rëndë”, theksoi zëdhënësja e shërbimeve të urgjencës në Sofje, Katia Sungarska, raporton AFP.
Kjo e fundit kshilloi banorët që të mos dalin nga shtëpitë gjatë ditës dhe të telefonojnë shërbimet e urgjencës vetëm në raste shumë të rënda, për të ruajtur ambulancat për rastet që kanë më shumë nevojë./tesheshi.com/
