Dy ditë më parë, në fillim nga një portal e më pas në të tjera, si dhe në rrjete sociale, nisi të qarkullonte një video me disa qeveritarë, ndër to ministrat Ahmetaj e Balluku, të shfaqur në një restorant të njohur të Dubait duke darkuar.
Portali prej nga u shfaq videoja, e serviri në një variant të njohur dhe të thjeshtëzuar diskretitues, duke e mbivënë si një realitet abuzues në raport me atë që ndodhte në Shqipëri – përmbytjet e hallet e përgjithshme të shqiptarëve.
Por nuk thuhej se pse ishin aty ata qeveritarë, nëse po darkonin me paratë e tyre, të shtetit, apo nëse ishin ftuar nga dikush.
TCH raporton së fundi se ai grup qeveritar ka qenë në Dubai për një takim me kompaninë EMMA, ndër më të njohurat e Emirateve, e cila do ndërtojë portin e ri turistik të Durrësit.
Mohammed El Alabbar, i quajtur nga TCH si “mendja dhe fuqia udhëheqëse e suksesit të AMAAR”, është intervistuar nga Muhamed Veliu, duke thënë për këtë rast: “Kur flas për Shqipërinë e Durrësin e shikoj atë në këndvështrimin global, duke e krahasuar atë me ndërtimet që kam bërë, si për shembull porti i Dubait si dhe atë të Tanxhirit që ne po e rindërtojmë.
Natyrisht përmes punës tonë ne bëjmë para, nga ana tjetër me atë që do të bëjmë në Durrës, të tjera kompani do ta shohin e do të afrohen në Shqipëri me investime të tjera. Pas marrëveshjes së nënshkruar nga dy qeveritë, ne po i lëvizim gjërat shpejt.
Masterplani është përfunduar dhe po bëjmë ato ndryshimet e fundit. Shpresojmë që ne të finalizojmë marrëveshjen pas tre muajsh. Thënë kjo me nuk po humbim kohë duke pritur marrëveshjen, por po punojmë për projektin e detajet. Unë jam optimist dhe shpresoj të nisim nga puna gjatë verës dhe me të vërtetë kjo do të jetë shumë e shpejtë”.
Pra, grupi qeveritar i “Nusretit”, restorantin e shtrenjtë ku ka darkuar delegacioni qeveritar, paska qenë qenë në Dubai me një detyrë zyrtare. Sa për faturën e darkës, kjo mbetet e papërcaktuar se ç’xhepi njerëzor apo arke shtetërore i përket ajo.
Tej tej kësaj, portali që e ofroi videon, rezervonte një gjuhë e cila tregon tjetërçka në të ashtuquajtur zbulim të një skandali të pretenduar. E frymës Gylen, ky portal godet pikërisht pak ditë pas një marrëveshjeje të bujshme Turqi-Shqipëri, nënshkruar nga dy udhëheqësit respektivë, Rama dhe Erdogan. Aludohet që kjo marrëveshje, edhe pse e padeklaruar publikisht, të ketë dhe goditjen e strukturës gyleniste në Shqipëri, të cilën shteti turk e akuzon për ideatore e frymëzuese të grushtit të dështuar të shtetit në korrik 2016.
Pra, tej skandalit të pretenduar qeveritar, kemi sinjalin e parë e parë të një goditjeje që pritet të ketë Rama, deri më 25 prill, nga instrumente mediatike të kësaj strukture, media ose individë me peshë mediatike. /tesheshi.com/
