Serena Williams ka mposhtur 2-0 suedezen Johanna Larsson në raundin e tretë të turneut US Open, duke vendosur gjithashtu një rekord.
Ka qenë kjo fitorja e 307-të e amerikanes në turnetë e Grand Slam-it, me çka lë pas Martina Navratilova-n.
Veç kësaj, ajo ka barazuar dhe rekordin e meshkujve për fitoret në Grand Slam, duke qenë në të njëjtin nivel me zvicerianin Roger Federer.
Williams është në kërkim të një tjetër rekordi. Nëse e e fiton turneun US Open, ajo do ta çojë në 23 numrin e titujve të fituar në Grand Slam-et, duke lënë pas me këtë gjermanen Steffi Graf.
Fitorja e parë e Serena Williams-it në Grand Slam-e daton në vitin 1998, në Australian Open. Turneun e parë Grand Slam ajo do ta fitonte një vit më pas, në 1999-tën, e do të ishte pikërisht US Open.
Tenistja amerikane synon fitimin për herë të shtatë të këtij turneu, një prej katër të mëdhenjve në tenisin botëror. /tesheshi.com/
