Një zhvillimi i pzakontë ka ndodhur së fundi në politikën e Brukselit karshi zhvillimeve në Maqedoni. BE ka vendosur të mos ia urojë fitoren Gruevksit, duke pritur që ai të formojë qeverinë më parë.
“Nuk do ta urojmë fituesin e zgjedhjeve në Maqedoni. Dhe ju lutem ta keni parasysh se urimet tradicionalisht dërgohen kur do të zgjidhen qeveria dhe kryeministri”, tha zëdhënësja Koçijançiç.
Ndërkohë, vetë procesin zgjedhor të 11 dhjetorit, zëdhënësja Koçijançiç e ka konsideruar të rregullt, gjithnjë në emër të Brukselit.
Politika në Maqedoni është tashmë në udhëkryqin e formimit të qeverisë. Rezultati i ngushtë në zgjedhje nuk lë vend për një qeveri të qëndryeshme.
Nëse ajo do formohej nga dy aletatët e deritanishëm, VMRO dhe BDI, do ishte shumë e brishtë dhe lehtësisht e rrëzueshme.
Disa forca opozitare, përfshirë dhe Lëvizjen BESA kanë kërkuar formimin e një qeverie teknike, që më pas vendi të shkojë përsëri në zgjedhje në pranverë, për të bërë të mundur daljen e një mazhorance të qëndrueshme prej tyre.
Por fituesit minimalistë, VMRO dhe BDI nuk i janë përgjigjur kësaj thirrje duke zgjedhur të qëndrojnë sforcueshëm në pushtet nëpërmjet ndonjë aleance të re paszgjedhore. /tesheshi.com/
