Kurkuma është një rrënjë që bën pjesë në familjen e xhenxhefilit, familje që përmban rreth 80 lloje erëzash. Kultivohet në të gjithë Indinë, në disa zona të Azisë dhe Afrikë.
E bënë të veçantë ngjyra e tij e artë dhe vlerat e paçmuara ushqyese për organizmin.
Sipas studimeve, një substancë që gjendet te kurkuma, e quajtur kurkumina, është përgjegjëse për vetëtitë antiinflamatore të kësaj rrënje. Kurkuma përmban gjithashtu shumë vitaminë C dhe antioksidantë të tjerë. Përdorimi i saj këshillohet për pastrimin e mëlçisë, përshpejtimin e proceseve të aparatit tretës, për shkatërrimin e infeksioneve bakteriale, sëmundjet e frymëmarrjes dhe parandalimin e disa lloje të kancerit.
Si të përgatisni çajin?
Përbërësit (masat janë në varësi të sasisë por nëse iu rezulton shumë i fortë në shije mund të shtoni sërish ujë të ftohtë). Pak kurkuma, piper të zi, ujë, mjaltë, qumësht sipas dëshirës, kanellë
Përgatitja: Vini për të zierë ujin me kurkuman. Lërini të ziejnë për pak minuta në mënyrë që rrënjët të lëshojnë shijen. Pasi ta hiqni nga zjarri shtoni përbërësit e tjerë, trazojini mirë dhe lërini të ftohet. Mund ta pini në temperaturën që dëshironi.
Efektet e kurkumës në aparatin tretës dhe në sistemin kardiovaskular, thuhet se janë të barazvlefshme me 1 orë aktivitet fizik. Sigurisht që efektet janë nëse e pini në vazhdimësi./tesheshi.com/
