Pas dhënies së dorëheqjes nga posti i kryetarit të Bashkisë së Kavajës, Prokuroria e Përgjithshme ka nisur hetimet për Elvis Roshin, i cili dyshohet për veprën penale “falsifikim dokumentesh” në formularin e vetëdeklarimit “Për dekriminalizimin”
Struktura “Për Dekriminalizimin” në Prokurorinë e Përgjithshme ka nisur verifikimin dhe është regjistruar kryesisht hetimi për kryetarin e dorëhequr të Bashkisë së Kavajës, Elvis Rroshi, i dyshuar për veprën penale të “Falsifikimit të dokumenteve” në procesin e plotësimit të formularit të vetëdeklarimit në bazë të ligjit “Për garantimin e integritetit të personave që zgjidhen, emërohen ose ushtrojnë funksione publike”,
Në bazë të verifikimeve paraprake, Struktura “Për dekriminalizimin” në Prokurorinë e Përgjithshme konstaton se subjekti Elvis Rroshi nuk ka shënuar në formularin e vetëdeklarimit dënimin e dhënë nga autoritetet italiane disa vite më parë. Fakti që ka qenë i dënuar nga autoritetet italiane, është pranuar publikisht edhe nga vetë Elvis Roshi. /tesheshi.com/
