Opozita llogarit dhe kartën e “tërheqjes zvarrë” të Edi Ramës. Kështuka deklaruar me gojën plot vetë kreu i grupit parlamentar demokrat, Edi Paloka.
Një prej zërave qendrorë të opozitës, po ashtu dhe të traditës së saj politike, Paloka e ka artikuluar lirisht atë që sipas tij nuk është kërcënim.
Madje ai ka kujtuar dhe 21 Janarin, jo në anën e viktimave por në atë të reagimit opozitar, për të përligjur format reaguese të opozitës ndaj qeverisë, ku përfshihet pra dhe “tërheqja zvarrë”.
“Ne jemi një parti dhe opozitë që nuk e duam ta shohim këtë vend vetëm me zjarr dhe me hekur, se duam që të vijmë ne në pushtet. Rama po, 21 Janari është prova më e mirë për këtë. Por ajo që ne kemi deklaruar është se pasi kanë mbaruar të gjitha mënyra institucionale për një kryeministër që sot nuk pyet për Kushtetutë, ka uzurpuar çdo pushtet dhe nuk pyet më. Nuk ka rrugë tjetër nesër. Të jeni të bindur se këto nuk janë kërcënime dhe pasi ne t’i kalojmë edhe këto hapa do t’i bëjmë thirrje qytetarëve që ta tërheqin zvarrë Edi Ramën”, tha Paloka në Top Talk, citon TCH.
Ai e ka betonuar dhe më tej qëndrimin e tij kontravers, kur tha se “Edi Rama ikën vetëm në një mënyrë dhe ajo nuk është me votë”. /tesheshi.com/
