Austriaku Dominic Thiem ka treguar klas të jashtëzakonshëm në çerekfinalet e French Open-it, Grand Slam-it të dytë sezonal.
Ai është treguar i pamëshirshëm ndaj numrit dy të botës, Novak Djokovic, duke e mundur 3-0 dhe duke kaluar në gjysmëfinale.
Serbi, kampioni në fuqi i French Open-it, kishte një rekord pozitiv prej pesë fitoresh e asnjë humbjeje karshi austriakut 23-vjeçar, por kjo statistikë nuk i erdhi në ndihmë sot, kur u shpartallua.
Çerekfinalja e sotme ishte një përsëritje e gjysmëfinales së vitit të shkuar në të njëjtin turne, kur në përballjen mes tyre fitues do të ishte Djokovic.
Ndryshe do të ishte historia sot, me lojën që pati për nisje një set të parë i cili zgjati një orë e 14 minuta dhe u fitua 7-6 pas tiebreak-ut nga Thiem.
Seti i dytë do të fitohej po ashtu prej tij, 6-3, ndërsa i treti nuk do të kishte më histori, i mbyllur 6-0 në vetëm 23 minuta.
Humbja shënon një tjetër pikë të ulët të karrierës së Djokovic-it, që prej muajsh nuk shfaqet më dominues si dikur.
Dominic Thiem do të ndeshet në gjysmëfinale me Rafael Nadal-it, që u kualifikua pas tërheqjes së kundërshtarit, Pablo Carreno-Busta, në çerekfinalen e sotme. /tesheshi.com/
