Eshtë përsëritur e njëjta skemë në denoncimin e radhës që PD ka bërë ndaj një kryebashkiaku të majtë.
Pasi Sekretari i Përgjithshmë Gazmend Bardhi kërkoi nga Prokuroria e Përgjithshme që të hetonte të kaluarën e kreut të Bashkisë së Mallakastrës Qerim Ismailaj, ky i fundit u mbrojt duke mohuar çdo implikim me ligjin në shtetin fqinj Greqi.
“Në asnjë rast dhe rrethanë të tillë nuk kam qene ne kushtet e ndalimit te kandidimit. Jam i hapur për cdo lloj verifikimi të mundshëm. Unë punoj si kryetar, kam deklaruar formularin. Në shtator të 1999 kam filluar punën si mësues. Asnjëherë nuk jam ndaluar nga policia greke. Në Greqi kam motrën…”, tha në të parin reagim Qerim Ismailaj.
Por Bardhi, siç në rastet me Pjetrin e Shkodrës e Kajmakun e Vorës, i kujtoi një datë: Dua t’i drejtoj një pyetje publike se çfarë i kujton Edi Ramës së Mallakastrës data 25 shkurt 2000?”, tha Bardhi, pasi dyshohet se Ismailaj ka qenë i arrestuar në Greqi dhe më pas është dënuar dhe dëbuar në periudhën 1999-2000.
Tashmë pritet të dalë e vërteta përfundimtare, nëse është PD ajo që thotë të vërtetën apo i akuzuari. Rastët e deritanishme kanë favorizuar opozitën. /tesheshi.com/
