I dërguari amerikan për dialogun, Richard Grenell, ka dhënë të kuptuar se pas uljes në tryezë të Prishtinës e Beogradit, e vendosur kjo për më 27 qershor në Uashington, fshihen miliona dollarë si joshje e kusht, ngjashëm si me “Marrëveshjen e Shekullit” për Izraelin dhe Palestinën.
Në statusin më të fundit, Grenell u kujton pëfaqësuesve serbë e kosovarë se ç’përfitime (ekonomike) do të kenë në rast marrëveshjeje.
“Kjo mundësi e Shtëpisë së Bardhë hap dyert e zhvillimit të ri ekonomik dhe investimeve. Shtetet e Bashkuara të Amerikës shpresojnë që liderët politikë në Kosovë dhe Serbi do ta shfrytëzojnë këtë shansë për t’u rikthyer në dialog dhe për të filluar një epokë të re të stabilitetetit dhe prosperitetit.
Njerëzit e këtij rajoni meritojnë asgjë më pak se kaq”, shkruan njeriu i Trump, i ngarkuar për t’i dhënë zgjidhje përfundimtare ngërçit serbo-kosovar, madje duke anashkaluar dhe BE-në.
Paralel me këtë deklarim, presidenti Vuçiç e quajti kohën e sotme si më të vështirën për Serbinë, kjo sipas tij që nga shpallja e pavarësisë, duke dhënë të nënkuptuar se aty, me milionat para, do i kërkohet hiç me pak se njohja e Kosovës. /tesheshi.com/
