Një vajzë 3-vjeçare vuan nga një sëmundje e rrallë që do të thotë se ajo mund të flejë vetëm 90 minuta çdo natë. Ever Hisko nga Renfrew, Ontario, u diagnostikua pak kohë më parë me sindromën Angelman, e cila nuk ka shërim. Kjo gjendje jo vetëm ndikon në gjumin e saj, por gjithashtu ajo nuk është në gjendje të flasë apo të komunikojë.
Prindërit e saj Robin Audette dhe Kirk Hisko shumë rrallë mund të bëjnë më shumë se 6 orë gjumë dhe flenë me radhë.“Ne jemi mësuar të rrimë me të, dhe pse mund të na flihet. Është e mahnitshme se si ajo reziston aq shumë pa gjumë dhe është e lumtur”, ka thënë mamaja e saj Audette.
Çrregullimi gjenetik dhe neurologjik me të cilin është ndodh afërsisht 12-20,000 njerëz. Nuk është e pazakontë që sindroma Angelman të keqdiagnosohet si paralizë cerebrale ose autizëm, pasi ndan shumë simptoma të njëjta, duke përfshirë edhe problemin e gjumit.
Zonja Audette shtoi: “Unë kurrë nuk kisha dëgjuar për sindromën Angelman, duket e çuditshme që kurrë nuk kam dëgjuar për diçka që në një çast mund të bëhet bota juaj. Kur mjeku na tha, kisha një moment që vetëm qaja sepse s’mund të besosh se diçka e tillë është e vërtetë, por vazhdojmë të ecim përpara”./tesheshi.com/
