6-vjeçari Om Swaroop Gowda nga Bangalore, është bërë i njohur në mbarë botën me aftësitë e tij unike në një lloj të veçantë patinazh me rrota, që njihet me emrin “limbo patinazh” (limbo skating).
Gowda, së fundmi ka thyer rekordin për “distancën më të gjatë të përshkuar me “limbo patina” nën makina.
Në përpjekjen e tij të fundit, në parkingun e një qendre tregtare në Bangalore, 6-vjeçari ka qenë në gjendje që në mënyrë të mrekullueshme të mbajë trupin e tij paralelisht me tokën duke u dhënë patinave me rrota nën 36 automjete Jeep të renditura njëra pas tjetrës, duke mbuluar me këtë rast një distancë prej 65 metra, njëherësh duke mbajtur fytyrën vetëm disa centimetra nga toka gjatë gjithë kohës.
Gowda arriti të thyejë rekordin e mëparshëm botëror prej 48 metrash, të mbajtur që nga viti 2012, nga një patinator po ashtu i shkëlqyer. /tesheshi.com/
https://youtu.be/xCRIMD4dYJg
