“Ndonjëherë, kur dikush ngatërrohet dhe mendon se pikturat e mia janë vepra të realizuara nga alienët mrekullohem kur dëgjoj të tilla fjalë, por në të njëjtën kohë argëtohem dhe frymëzohem edhe më shumë”. Nga rrathët kulturorë në rrathët e gurtë, kjo është filozofia artistike e Andres Amador, i lindur në San Francisco, 44 vite më parë, i cili prej disa dekadash përdor plazhet si të ishin telajo në të cilat shpreh artin dhe fantazinë e tij. “Kam një bekgraund shkencor, pasi kam studiuar inxhinieri antike dhe kam thelluar leximin në këto teknika për ndërtimin e piramidave apo tempujve, çka më ka ndihmuar shumë”,- thotë ai.
“Shkoj shpesh në plazh dhe një ditë, ndërsa isha duke pikturuar në rërë me një shkop, më erdhi ideja se mund të bëja të njëjtën gjë veç se në përmasa mm të mëdha dhe më gjigante. Më pëlqente ideja e shndërrimit në një lloj dizenjuesi ‘pre-informatik’ dhe ‘pre-industrial’. Është një lloj njeriu primitiv i aftë të hamendësojë për të ardhmen duke dizenjuar idetë e tij në rërë, nëpërmjet linjave dhe formave të papërcaktuara”,- shprehet artisti.
Ai kalon orë të tëra duke punuar, të cilat shpesh zhduken brenda një çasti për shkak të ndonjë dallge të papritur. “Krijoj duke qenë i vetëdijshëm se gjithçka mund të zhduket brenda një çasti. Kam mësuar të mos acarohem, veçanërisht kur dikush ecën sipër punës time. Humbas më shumë durimin kur të tjerët lënë të kirë qentë të endin sa andej-këtej pasi për një sekondë më prishin gjithë punën dhe hedhin poshtë mundin e një dite të tërë nën diell. Fatmirësisht nuk mungojnë stimujt për të rifilluar. Frymëzohem nga çdo gjë që më rrethon, siç janë lulet apo simbolet”,- janë fjalët e Andres Amador./tesheshi.com/
