Altin Dumani, prokurori që pa fjalë kryendërkombëtarin e vettingut për ndershmnërinë e tij, shpalosi vizionin e drejtimit të SPAK-ut në një paraqitje para Këshillit të Lartë të Prokuroris, si një nga tre kandidatët për të qenë ai Kryeprokurori Special i Shqipërisë.
SPAK do të bëjë të mundur që çdokush që ka shkelur ligjin, kushdo qoftë ai do ndëshkohet. SPAK do të godasë krimin e organizuar dhe korrupsionin.
Në mbështetje të vizionit tim kam paraqitur një plan të detajuar funksional për funksionimin e këtij institucioni.
Kjo prokurori do godas paligjshmërinë. Do bëjë të mundur një Shqipëri që kush shkel ligjin do të dënohet. Fokus i veçantë do jetë bashkëpunimi me qytetarët. Dështimi i Prokurorisë së Posaçme nuk do të jetë asnjëherë një vizion”, ishin fjalët e Dumanit.
Ai veçoi si pikë të fortë të tij faktin se nuk i është trembur kurrë krimit.
“Pika ime e fortë është eksperienca 20 vjeçare në luftën kundër krimit të organizuar. Kam kaluar mbi 4000 dosje ku jam përballur me gjithë ngjarjet e mundshme në gjithë territorin. Karriera ime është fokusuar në luftën kundër krimit të organizuar, e kam demonstruar këtë, kam qenë drejtues i Krimeve të Rënda. Këmbëngulja ime për t’i shkuar gjërave deri në fund pavarësisht vështirësive dhe ngarkesave. Kam qenë 9 vjet i mbrojtur nga policia e shtetit por kam vazhduar pa u trembur nga presionet”, tha Dumani.
Kujtojmë se kur ky i fundit dolipara vettingut, Teo Jacobs, njeriu që vëzhgon procesin, tha se kishte çfarë të thoshte për të, duke nënkuptuar ndershmërinë e tij. /tesheshi.com/
