Dinko Cvitan është kryeprokurori i Kroacisë, një vend i ballkanik i pranuar rishtas në Bashkimin europian i cili ka marrë në “patronazh” jo vetëm Shqipërinë por edhe vendet e tjera të rajonit. Ambasadorja e BE në Shqipëri, zonja Vllahutin është një diplomate kroate.
Kroacia u pranua në BE kur bëri një gjest të fortë, arrestoi Kryeministrin për abuzim me detyrën dhe rreth 200 zyrtarë të nivelit të dytë dhe të tretë.
Fletë-arrestin për kryeministrin kroat Ivo Sanader, e ka prerë vetë Dinko Cvitan. i cili “rastësisht” këto ditë që po flitet shumë për dekriminalizimin ndodhet në Shqipëri dhe po trajnon prokurorët e krimeve të rënda sesi duhet të sillen me politikanët e korruptur në mënyrë proceduriale. Zoti Cvitan, ka takuar sot edhe kreun e Kuvendit, Ilir Meta. Mos kemi të bëjmë me një nisje të orperacionit të madh? “tesheshi,com”, kishte paralajmëruar diçka që javën e shkuar. Lexoni http://localhost/tesheshi/antikorrupsioni-a-po-nis-operacioni-sanander/
Cvitan ka mbërritur në Shqipëri nëpërmjet zyrës së Bashkimit Europian e cila me programin Euralius ka nisur trajnimin e hetuesve për luftën ndaj korrupsionit dhe hetimin e zyrtarëve të lartë.
Civitan ka patur dhe një takim me kryeprokurorin Llalla të mbajtur pa praninë e mediave, ndërsa pritet që nga nesër në ambientet e prokurorisë së krimeve të rënda të nis trajnimi i njëzet hetuesve shqiptar.
Me ndryshimet ligjore në kodin penal tashmë dhe në Shqipëri hetimi i korrupsionit për zyrtarët e lartë konsiderohet një krim i rëndë dhe hetohet e gjykohet nga krimet e rënda, ku do të kryhet dhe trajnimi nëpërmjet programit Euralius.
(tesheshi.com)
