Pasi Krimet e Rënda dhanë arrest me burg për ish-kreun e Rrugëve, Dashamir Xhika, një ish-drejtor “tepsie” nga porcionoi i LSI-së, kjo e fundit, nëpërmjet zërit nr.2 të saj, Petrit Vasili, ka reaguar ashpër”.
“Prokuroria e Krimeve të Rënda tashmë vegël në duart e Kryeministrit, dështoi me akuzat në gjyqin ndaj Z. Xhika, një ish-nëpunes i shtetit dhe sot që pa gdhirë, me urdhër politik shpiku një tjetër akuzë ndaj tij. Prokurorinë e Ramës, Markut e Xhafës nuk e beson më askush. Prokuroria që nuk lufton drogën e korrupsionin e ministrave është qartazi përkrahëse edhe drogës dhe korrupsionin dhe do të mbulojë diellin me shoshë duke shkelur ligjin me të dyja këmbët për të dënuar një ish-nëpunës vetëm e vetëm për tërhequr vëmendjen nga batërdia qeverisjes kriminale e korruptive që po shkaterron vendin. Rama jep urdhra politike, por nuk firmos, ndërsa prokurorët po firmosin dhe po shkelin e dhunojnë ligjin, përgjegjësia për ta është individuale për sot e për mot dhe shpejt a vonë asnjë nuk i shpëton dot kurrë kësaj përgjegjësie”, u shpreh Vasili.
Xhika përbën rastin e parë të arrestimit të një zyrtari të LSI-së, që pas daljes së kësaj force nga “tepsia”. /tesheshi.com/
