Ministri i Rindërtimit Arben Ahmetaj njoftoi nisjen e procedurës së aplikimit për çdo banesë të dëmuar në tërmetin e 26 nëntorit. Procesi sipas tij do të zgjasë një muaj, ku më pas, sipas pikëzimit, nis dhe rindërtimi i banesave sipas prioriteteve.
“30 ditë duhet të ketë mbaruar aplikimi me dosjet e shoqëruara. S’ka të bëjë të ketë akt pronësie. Çdo njëri nga ne ka një dokument të tillë në lidhje me pronësinë, përveç atyre që nuk kanë filluar procesin e legalizimit dhe s’kanë asnjë dokument. Në bazë të saj, do ta shikoni që dy janë programet kryesore: rindërtimi, pallate dhe banesa private, si dhe rikonstruksioni.
Ahmetaj tha se ky është një proces që bashkitë duhet ta ndjekin me rigorozitet.
“Nga e mërkura do duhet të ketë në csdo bashki nga një zyrë, ku jo qytetarët duhet të vijnë tek ju por të merrni qytetarët për të bërë aplikimin online. Platforma bazohet në vetëdeklarimin e qytetarëve. Do të deklarojnë dëmet. Të gjitha bashkitë do të dërgojnë tre persona që do trajnohen nesër në orën 11:00 për procesin e aplikimit”, tha Ahmetaj. /tesheshi.com/
