Njeriu i Demarkacionit: raporti brenda muajsh në qeveri, pastaj vendos Haradinaj

Raporti i ri për Demarkacionin e kufirit ndërmjet Kosovës dhe Malit të Zi do të jetë brenda pak muajsh në tavolinën e kryeministrit Ramush Haradinaj. Kështu ka bërë të ditur kryetari i Komisionit për shënimin e kufirit shtetëror, Shpejtim Bulliqi, pa dhënë një datë të saktë Ai ka thënë për “Express” se Komisioni është duke punuar në hartimin e raportit dhe se vendi duhet të ketë durim, ndërsa topin e ka gjuajtur te kryeministri Haradinaj.

“Pasi ta marrë qeveria raportin për Demarkacionin, do të vendosë për hapat e mëtejshëm” ka thënë ai.

Kujtojmë se presidenti Thaçi e ka quajtur Bulliqin “zhurmëkot i zakonshëm që manipulon me opinionin” pas deklarimit se kanë gjeturfakte se është humbur territor me marrëveshjen aktuale. /tesheshi.com/