Ana Brnabiç, kryeministrja lesbike e Serbisë, ka mbrojtur fjalët e saj fyese ndaj kosovarëve thënë pak ditë më parë, duke i quajtur “njerëz nga mali”. Në një intervistë të fundit televizive, ajo tha se me liderët e Prishtinës nuk mund të bisedohet.
“Nuk e di si duhet quajtur këta njerëz, që ta kuptojnë të gjithë me kë kemi punë. Është shumë e vështirë dhe është dëshmuar se me këta njerëz është e pamundur të bisedohet. Ata vazhdimisht thonë se nëse nuk arrijnë që Serbia ta njoh Kosovën do të kthehen në male”, ka deklaruar gruaja në krye të qeverisë së Beogradit.
Por kësaj, ai ka shprehur dëshirën që dialogu me Prishtinën t’i vinte përballë akademikë e jo ish-njerëz të UÇK-së.
“Fatmir Limajn, Hashim Thaçin, Ramush Haradinajn nuk i respektoj dhe do të dëshiroja të mos isha në të njëjtën hapësirë me Haradinajn, por kjo është puna ime dhe e bëjë për shkak të paqes, stabilitetit dhe të ardhmes së gjeneratave të reja”, ka shtuar Brnabiç.
Deri më sot ajo kishte qëndruar në periferi të debatit për Kosovën, por që pas vënies së taksës nga qeveria Haradinaj, është shndërruar në një “skiftere” të përplasjeve me Prishtinën. /tesheshi.com/
