Debati në seancën konstituive të Maqedonisë për formimin e Komisionit për zgjedhje dhe emërim pritet të mos ndërpritet në ora 18:00 si ditëve të tjera, por të zgjasë edhe gjatë natës pa asnjë ndërprerje.
LSDM mbrëmë dorëzoi propozim që seanca të vazhdohet, por ky propozim nuk u shqyrtua nga kryesuesi Trajko Veljanovski.
Nga LSDM mësohet se edhe sot do të aktualizojnë këtë kërkesë. Shilegov tha se propozimi mbështetet nga 10 deputetë dhe se Veljanovski si kryesues është i detyruar ta vendos për votim.
Kjo iniciativë duket se ka ardhur si formë presioni ndaj deputetëve të VMRO-DPMNE-së dhe të sfidojë durimin e tyre.
Deputetët të cilët nuk do të qëndrojnë do t’u merret fjala dhe kështu LSDM shpreson ta shterë listën e gjatë të deputetëve të VMRO-së që janë paraqitur për diskutim, dhe në këtë formë të kalohet në pikën tjetër të rendit ditës, formimin e komisionit për zgjedhje dhe emërim dhe votimi i kreut të Kuvendit. /tesheshi.com/
