Lezhiani që u vetëhelmua me fostoksinë dje para SPAK-ut, në pritje për t’u takuar me një prokuror të atyshëm, ndërroi jetë në spital.
Pal Trashaj, një historian lokal, mund të konsiderohet viktima e parë në vend si pasojë e mashtrimit me mikrokredinë.
Në gjendje të rënduar psikologjike, i ndjeri shkoi para dyerve të SPAK-ut me shpresën e një zgjidhjeje për hallin e madh që e kishte zënë.
Pasi priti disa orë, Pal Trashaj mori vendimin ekstrem për të konsumuar fostoksinë dhe për t’i dhënë fund jetës.
Bëhet me dije se ai po haste probleme të mëdha me një kredi të mbetur që nga viti 2008, vetëm 760 mijë lekë të vjetra që Micro Credit Albania ia kishte çuar 4.8 milion lekë. Si pasojë, iu bllokua për 5 vjet gjithçka: shtëpia, toka, makina dhe paga.
Pa mundur të gjejë zgjidhje, ai i dha fund jetës nën një gjendje dëshpëruese.
Është ky një sinjal alarmi për ata që marrin para me fajde, një fenomen tejet i përhapur, në një vend që e ka pësuar njëherë rëndë prej tyre – piramidat e ’97-ës. Në thelb është e njëjta gjë: fajdeja. Pikërisht kjo ia morri jetën Trashajt. /tesheshi.com/
