Ka qenë e enjtja më e qetë që prej shumë kohësh. Çuditërisht seance e sotme e Kuvendit ka pasur tonet më normale që prej kohësh, edhe pse vinte pas evenimenteve të rëndësishme dhe dramatike për një pjesë të politikës.
Hetimet dhe arrestimet për disa zyrtarë të lartë të PD-së dhe LSI-së i menduan se do të shërbejnë si katalizator i një përlasje të re në këtë të enjte, siç ndodh thuajse çdo javë.
Por jo. Madje sot më agresivja(në fjalor) ka qenë mazhoranca, përkatësisht kryeministri Edi Rama, i cili me tone publicistike verbale ka thumbuar deri në provokim deputetët e opozitës dhe rivalin e vjetër të tij, Sali Berishën.
Doktori, i cili në çdo seancë nuk “ja përton”, kryeministrit, sot ka qenë mëse i frenuar, politikisht korrekt brenda suazave të vogabolarit të njohur.
Lulzim Basha ka polemizuar gjithashtu në mënyrën më të qetë dhe parlamentare. Flamur Noka nuk është ngritur në asnjë rast nga vendi, Edi Paloka po ashtu. Edhe pse kanë folur dhe replikuar me Edi Ramën, ata kanë qenë “qengja”.
Madje të tillë ishin edhe opozitarët e LSI-së me Monika Kryemadhin.
Po pse ndodhi kjo? Cila është e vërteta?
Burime nga opozita bëjnë të ditur se PD-ja dhe LSI-ja kanë hartuar një plan që seancën e sotme të interpelancës për Jerusalemi, ata të filmuar frame për frame do ta bëjnë gati dhe do e dërgojnë në Shtëpinë e Bardhë në Uashington.
Së bashku me një tekst të firmosur nga një grup deputetësh të PD-së, të cilët kanë theksuar se ata sulmuan qeverinë shqiptare që e akuzojnë si të shitur tek Erdogan, vetëm e vetëm për të qëndruar në pushtet.
USB-ja me filmimin e seancës së sotme pritet që të mbërrijnë në West Wing, siç quhet zyra qëndrore e Stafit të Trump.
Ndaj edhe sjellja e deputetëve të PD-së ishte gjithë qetësi, dhe madje nuk pati asnjë përshkallëzim fjalori nga të zakonshmit si p.sh ish-ministri Flamur Noka, i cili përgjithësisht nuk ja përton kryeministrit.
Opozita shpreson që dikush i lartë nga Shtëpia e Bardhë t’i shohë ashtu të qetë, të veshur e të bukur.
Nga ana tjetër, mediat e opozitës kanë rrekur të akuzojnë egërsisht ambasadorin amerikan në Tiranë pse nuk ka qenë prezent në seancën e Kuvendit, edhe pse ishte dërguar një ftesë speciale.
E kanë akuzuar si njeri të Sorosit dhe kundërshtar të Presidentit Donald Trump. Pra pas Strategjisë së BE-së për Zgjerimin, opozita ka nisur një strategji kundër BE-së dhe qeverisë turke e Erdoganit, me shpresën se mund të arrijnë simpatinë e Donald Trump. A do t’ja arrijnë? /tesheshi.com/
