Xhaner Erkin (Caner Erkin), mbrojtësi i majtë i Fenerbahçes, është bërë lojtari më i ri i Interit të Milanos.
27-vjeçari ka nënshkruar një kontratë trevjeçare me klubin italian, ndërsa aktualisht gjendet i grumbulluar me kombëtaren turke, në përgatitje për Europianin.
Ai ka luajtur në 46 takime për përfaqësuesen e Turqisë, dhe ka shënuar dy gola.
Erkin do t’i bashkohej Fenerbahçes në vitin 2010, dhe do ta ndihmonte ekipin e Stambollit të fitonte dy kampionate, në vitet 2011 dhe 2014.
Përveç cilësive në mbrojtje, ai spikat me shpërthimet e tij në sulm. Erkin ka luajtur më herët dhe për CSKA-në e Moskës dhe Gallatasarajin.
Pas Hakan Shykyrit, Okan Burukut, Emre Belozogllusë dhe Ymit Davalasë, Xhaner Erkin bëhet futbollisti i pestë turk që do të provojë të luajë për Interin e Milanos. /tesheshi.com/
