Të paktën gjashtë njerëz humbën jetën në një stuhi të fortë që goditi gadishullin grek të Evia-s, thanë zyrtarët.
Mediat raportojnë se u shuan nga përmbytjet e shkaktuara nga bubullima dhe stuhitë.
Mes tyre është një çift i moshuar dhe një fëmijë 8-muajsh.
Të paktën dy persona janë të humbur, tha ministri i Menaxhimit të Krizave, Nikos Hardalias
Stuhia shkaktoi dëme të mëdha materiale, duke dëmtuar rrugë dhe ura, veçanërisht në jug të Halkida-s, rreth 100 kilometra larg Athinës. Komunikimi rrugor u ndërpre dhe mënyra e vetme për të arritur në ishull ishte me traget.
Shërbimi zjarrfikës mori 495 thirrje, nga të cilat 47 iu referuan personave të bllokuar në shtëpi dhe në automjetet e tyre. Të paktën tetë nga 47 personat u evakuuan me helikopter.
Mbrojtja Civile Greke deklaroi se kushtet e këqija të motit do të vazhdojnë në rajon, dhe paralajmëroi qytetarët të marrin masa mbrojtëse. /tesheshi.com/
