Ministri i Bujqësisë, Edmond Panariti tha se assesi nuk do e refuzonte propozimin e emrit të tij si president i vendit, nëse politika do ia afronte këtë post.
Një ndër njerëzve të LSI-së në kabinetin “Rama”, iu bë kjo pyetje gjatë një interviste në News 24, pra lidhur me mundësinë për të qenë ai një ndër emrat e propozuar për kreun e ri të shtetit pas Nishanit.
Dhe Panariti tha se do ishte burracakëri që të shmangej nga kjo përgjegjësi që mund t’i ofrohej. Ai tha se ishte njeri i përgjegjësive, pasi më parë ka pranuar dhe postin e ministrit të Jashtëm e tani atë të ministrit të Bujqësisë.
Edmond Panariti vjen nga bota akademike. Ai është një ndër emrat e njohur të veterinarisë shqiptare, prej vitesh ndër profesorët e njohur të Universitetit të Kamzës, dhe politikisht ndër njerëzit më të urtë në LSI që kur nuk përfshihet në cic-mice të rëndomta politike.
Nëse do bëhej president, do ishte i dyti veteriner në krye të shtetit shqiptar. I pari ka qenë Bamir Topi. /tesheshi.com/
