Nadia, një tigër në kopshtin zoologjik amerikan në Bronx, është bërë tigri i parë në botë që pas testit të koronavirusit ka dalë pozitiv.
Ky është një tigër malajzian 4-vjeçar, i cili është testuar pasi ka patur një kollë të thatë. Sidoqoftë, kafsha pritet të shërohet, tha kopshti zoologjik.
Mostrat u morën pasi Nadia dhe pesë tigra dhe luanë të tjerë treguan simptoma të sëmundjes së frymëmarrjes. Kafshët e tjera nuk kanë simptoma, raporton CNN.
“Edhe pse ata kanë një oreks të ulur pak, tigrat në kopshtin zoologjik të Bronx-it janë mirë dhe nën mbikëqyrjen veterinare”, thotë kopshti zoologjik.
Thuhet se virusi u është transmetuar kafshëve nga një punonjës i kopshtit zoologjik, i cili nuk kishte simptoma, por, siç rezulton, ishte i infektuar. Ai person u kujdes për tigrat e mëdhenj. /tesheshi.com/
