Pirja e tre gotave me qumësht në ditë, ndihmon për të luftuar sklerozën. Është ky rezultati i një studimi amerikan i University of Kansas Medical Center, ku thuhet se një konsum i rregullt i qumështit ndihmon për të luftuar efektet neurodegjeneruese dhe mbron nga sëmundje si skleroza dhe parkinsoni.
Sipas studimit të zhvilluar në Shtetet e Bashkuara të Amerikës, thuhet se pirja e qumështit shton praninë e një antioksidanti në organizëm, glutationit, i cili lufton radikalet e lira që dëmtojnë trurin.
Studimi është publikuar në revistën shkencore “American Journal of Clinical Nutrition”.
Gjatë studimit u zbulua se ata persona që pinin mesatyarisht tre gota qumësht në ditë, kishin nivel më të lartë nga antioksidanti i dobishëm.
Sipas Debra Sullivan, docente amerikane e dietologjisë dhe ushqimit thuhet se, pirja e qumështit ka një sërë dobish për trurin, duke parandaluar sëmundjet neurodegjeneruese, ndja pirja sa më e shpeshtë e tij nuk sjell asnjë dëm. /tesheshi.com/
