Veriu i Kosovës është shndërruar tshmë dhe në një terren të ashpër konfliktesh mes vetë serbëve. Së fundi, aty ka ndodhur një ngjarje e rëndë ku kryetari i komunës së Leposaviqit, i dalë nga zgjedhjet lokale të vitit 2003, Dragan Jabllanoviq, është nxjerrë më forcë në rrugë, për t’u zëvendësuar nga pjesëtarë të strukturave paralele që financohen direkt nga Beogradi.
Më konkretisht, kryetari Jabllanoviqi është dëbuar nga komuna dhe në vend të tij, në objektin komunal është vendosur Zorat Todiq, i caktuar nga ana e kryeministrit të Serbisë Aleksandar Vuçiq si kreu i Leposaviqit, sigurisht pa zgjedhje dhe forcërisht.
Ndërsa Dragan Jabllanoviq me bashkëpunëtorë, po përpieqen që ta udhëheqin komunën nga një ndërtesë tjetër ku janë vendosur, në atë të Sigurimit Social.
Siç njoftojnë burime të tesheshi.com në veri, strukturat paralele të Serbisë përveçse i dëbuan zyrtarë e zgjedhur të Kosovës nga objekti komunal, u kanë kanë ndaluar atyre dhe kryerjen e punimeve në ndërtimin edhe të dy kateve të tjera të objektit, pasi financimi i këtij ndërtimi kryhej nga qeveria e Kosovës.
Dhe kjo e fundit, duke parë pafuqinë e saj në kthimin e kryetarit Dragan Jabllanoviq në objektin e kuvendit komunal të Leposaviqit, këto ditë ka marrë iniciativë për marrjen me qira të një shtëpie që do të shërbejë si komunë, e ku do të vendoset Jabllanoviqi me gjithë stafin.
Sipas burimit, Ministria e Administrimit të Pushtetit Lokal, është në bisedime me një pronar serb të një shtëpie në Leposaviq dhe këto ditë pritet nënshkrimi i marrëveshjes.
Për shfrytëzimin e kësaj shtëpie, qeveria e Kosovës duhet të paguaj hiç më pak se 5000 euro qira në muaj, meqë objektin e komunës “ia ka dhuruar” strukturave paralele serbe.
Portali tesheshi.com ka siguruar një foto të shtëpisë me pronarin e së cilës qeveria e Kosovës është në bisedime për marrje me qira.
Por në anën tjetër, zyrtarë të komunës së Leposaviqit si dhe ata të qeverisë së Kosovës nuk kanë dashur që të flasin për këtë çështje, duke theksuar se për këtë zhvillim nuk janë në dijeni. /tesheshi.com/
