Presidenti amerikan ishte i shkurtër në përgjigjen e tij në një intervistë që dha, në lidhje me përdorimin e mundshëm të armëve bërthamore nga Vladimir Putin
Administrata e Joe Biden ka njoftuar ditët e fundit një ndihmë ushtarake shtesë prej 600 milionë dollarësh për të forcuar ushtrinë ukrainase për të ruajtur vrullin e saj kundër Rusisë.
Në një intervistë me “60 Minutes” të CBS të transmetuar të dielën, presidenti amerikan foli për sukseset e fundit të Ukrainës në fushën e betejës dhe rreziqet që ato mund të paraqesin.
“Ndërsa Ukraina ka sukses në fushën e betejës, Vladimir Putin e gjen veten në një pozitë të vështirë dhe i mbështetur në një cep”, i tha gazetari Biden. “Dhe pyes veten, zoti President, çfarë do t’i thoshit atij nëse ai do të mendonte të përdorte armë bërthamore kimike ose taktike?” vazhdoi ai.
“Mos e bëj. Jo. Jo. Ju do të ndryshoni fytyrën e luftës në krahasim me çdo gjë tjetër që nga Lufta e Dytë Botërore”, tha zoti Biden.
Kur gazetari pyeti se cilat do të ishin pasojat nëse Putini kalonte “vijën e kuqe”, presidenti nuk dha hollësi.
“A mendoni se do t’ju tregoja nëse do ta dija saktësisht se çfarë do të ishte? Sigurisht, nuk do t’ju them. Por do të ketë pasoja”, tha zoti Biden. “Ata do të bëhen më të dëbuar në botë se sa kanë qenë ndonjëherë. Dhe në varësi të masës së veprimeve të tij, reagimi do të përcaktohet”, shtoi presidenti amerikan. /tesheshi.com/
