Lufta në Ukrainë ndoshta do të përfundojë në fillim të majit, kur Rusisë do t’i mbarojnë burimet për të sulmuar fqinjin e saj, tha të hënën mbrëma Oleksiy Arestovich, një këshilltar i kreut të kabinetit të presidentit ukrainas.
Negociatat midis Kievit dhe Moskës, në të cilat Arestovich nuk është i përfshirë personalisht, deri më tani kanë dhënë shumë pak rezultate, përveç disa korridoreve humanitare nga qytetet e rrethuara të Ukrainës.
Në një video të publikuar nga disa media ukrainase, Arestovich tha se koha e saktë do të varet nga paratë në dispozicion të Kremlinit për të vijuar fushatën.
“Mendoj se duhet të kemi një marrëveshje paqeje në maj më së voni në fillim të majit, ndoshta shumë më herët, do të shohim, e kam fjalën për datat e fundit të mundshme”, ka thënë Arestovich, transmeton Neë York Post.
Një skenar “plotësisht i çmendur” mund të përfshijë gjithashtu dërgimin e rekrutëve të rinj nga Rusia pas një muaji trajnimi, tha ai.
Megjithatë, edhe kur të arrihet paqja, konfliktet e vogla taktike mund të mbeten të mundshme edhe për një vit, sipas Arestovich, megjithëse Ukraina këmbëngul në largimin e plotë të trupave ruse nga territori i saj. /tesheshi.com/
