Gjykata Themelore në Prishtinë i ka caktuar masën e paraburgimit prej 30 ditësh Murat Jasharit e Avni Llumnicës, si të dyshuar për atentatin ndaj avokatit Azem Vllasi. Këtë e ka konfirmuar Emrush Kastrati, avokati i Jasharit.
Në seancën që u mbajt sot Murat Jashari deklaroi se donte ta lëndonte e jo vriste Vllasin. duke thënë se këtë veprim e ka bërë për shkak të kaluarës politike të Vllasit.
Avokati Vllasi u plagos të hënën në mëngjes para zyrës së tij në rrugën “Hajdar Dushi” në Prishtinë.
Ai ka qenë ndër udhëheqësi e fundit komunistë të Kosovës, që i rastisi të jetë krah Milloshëviçit në fjalimin e Fushë – Kosovës në vitin ’88, ku udhëheqësi serb paralajmëroi erën e luftrave që do vinin pak vite më vonë. Së fundi, Vllasi edhe pse jashtë politikës, ishte shprehur kundër protestave të vitit ’81 në Prishtinë. /tesheshi.com/
