Në Bibliotekën e Fakultetit të Mjekësisë së Universitetit të Prishtinës është vendosur një mesazh tejet domethënës për studentët që janë rrugës për t’u bërë mjekë.
“Ti nuk mëson për provim. Ti mëson gjashtë vite, për të shpëtuar jetën e dikujt për gjashtë minuta”, thuhet në pankartën e vendosur në hyrje të bibliotekës.
Porosia e shkruar ka mundësi të mbetet një kujtim i bukur, po aq sa porosi me vlerë, pasi Kosova, ashtu si shumica e vendeve të Ballkanit Perëndimor, përballet me ikjen e mjekëve nga vendi.
Vetëm vitin e kaluar, nga Kosova kanë ikur rreth 158 mjekë. Ndërsa vetëm gjatë 4 muajve të parë të këtij viti, u larguan dhe 47 të tillë. /tesheshi.com/
