Jeni në dyshime nëse rrezikoheni të prekeni apo në trupin tuaj të zhvillohet kanceri? Kjo varet nga numri i nishaneve që keni në krahun e djathtë. Ky është rezultati i një studimi të realizuar nga kërkuesit në King’s College të Londrës.
Me sa duket, ata që kanë më shumë se 11 nishane në krahun e djathtë, kanë mundësi më të mëdha për të zhvilluar melanomën.
20-40% e melanomës e ka origjinën dhe nis të shfaqet nga një nishan i thjeshtë. Ata që kanë mbi 100 nishane në të gjithë trupin, kanë më shumë rrezik të preken nga kanceri, konfirmon studimi.
Në studim, i cili është financuar nga Wellcome Trust ka marrë në analizë 3594 çifte binjakësh. Në përfundim të studimit është vënë re se personat që kanë më shumë se 11 nishane në krahun e djathtë, janë ata që kanë tendencën të kenë rreth 100 nishane në të gjithë trupin dhe që rrjedhimisht janë më të prirur për t’u prekur nga kanceri./tesheshi.com/
