Ish-deputeti shqiptar, Mark Frroku, nuk po di nga të shkojë, pasi nga njëra anë e kërkon belgjika për ta gjykuar, por nga ana tjetër janë autoritetet shqiptare që duan ta mbajnë këtu. Kjo dhe për faktin se mes dy vendeve nuk ka marrëveshje ekstradimi.
Edhe sot, gjygji ndaj tij në gjykatën e Nivelles-it u shty, për shkak se avokatja e tij kërkon që Marku të vijë aty, pra të esktradohet . Nga drejtësia belge ai akuzohet për një vrasje të ndodhur vite më parë, kur njiheh me emrin Besnik Morina.
Carine Coquelet, gruaja që e ka marrë në mbrojtje Markun, ka këmbëngulur që klienti i saj duhet të esktradohet, ndryshe nuk ka si gjykohet në dy shtete të ndryshme për të njëjtën akuzë.
Pra, tani Marku nuk është shkak më për ngërçe politike, por juridike dhe madje në shkallë ndërkombëtare.
Deri më tani, të vetmit që nuk e kërkojnë Frrokun, janë njerëzit që i kanë dhënë votën, elektorati që e ka zgjedhur, në bazë të premtimeve që ka bërë e të cilat duhet t`i realizojë.
Por dhe me ç`duket, kjo ngjan gjëja më e parëndësishme në gjithë këtë histori, ndërkohë që gjetiu do ishte në rend të parë. /tesheshi.com/
