Pikat e zeza janë shndërruar në një makth për ju dhe nuk dini si t’ia bëni me to? Mos u shqetësoni pasi ka disa mënyra për t’i hequr qafe. Më poshtë do të prezantojmë recetën e një maske peel-off shumë të veçantë. Është tepër e thjeshtë dhe mund të realizohet me disa përbërës, por për më tepër, garanton rezultate të papara.
Nevojitet qumësht i skremuar dhe xhelatinë për ëmbëlsirat. Sapo të keni gjetur përbërësit merrni jnë enë dhe hidhni në të gjithë xhelatinën (pluhur) e më pas shtoni qumësht. Nisini ti përzieni deri sa përbërësit të jenë shndërruar në një masë të vetme dhe të kenë arritur kremozitetin e duhur.
Futeni për disa sekonda në mikrovalë dhe ngroheni. Kujdes: përbërja nuk duhet të ziejë. Për t’u siguruar që konsistenca është ajo e duhura, bëni këtë provë: merrni pak nga përzierja ën gisht. Deri sa të jetë e përsosur, maska nuk duhet të pikojë nga gishti.
Pasi të kuptoni se maska ka arritur nivelin e duhur të përgatitjes, shpërndajeni atë në fytyrën që më parë duhet ta keni larë dhe vendoseni më shumë në pjesët që i keni më të dendura pikat e zeza. Pasi të keni mbuluar tërësisht fytyrën, shtrojeni edhe një shtresë tjetër të produktit në fytyrë.
Mbajeni maskën për 15 minuta dhe më pas largojeni atë. Do të vini re se në maskë do të ngelin një pjesë e madhe e pikave të zeza. Pasi të shpërlani fytyrën këshillohet të vendosni një krem hidratues./tesheshi.com/
