Kryeministrja e Zelandës së Re, Jacinda Ardem ka befasuar kur në mbrëmjen solemne në selinë e Kombeve të Bashkuara në Neë York, u paraqit bashkë me foshnjen e saj tre muajshe.
Mediat shkruan se bashkëshorti i kryeministres, Clarke Gayford, i pranishëm në mbrëmje, i kushtoi këtë dedikim në Twitter: “Bebja e Parë e Zelandës së Re”.
Më pas ai bëri një koment satirik kur shkroi:
“Për fat të keq, nuk munda t’i fotografoj fytyrat e befasuara të anëtarëve të delegacionit japonez kur hynë në dhomën ku po bënin ndërrimin e pampersit”.
Kryeministrja Ardem, pritet t’i adresohet Asamblesë së Përgjithshme të OKB-së më 27 shtator dhe nuk do të ishte aspak surprizë nëse sërish shfaqet në shoqërinë e “bebes së parë të Zelandës së Re”.
Pas ish kryeministres së Pakistanit, Benazir Bhutto, Arden është kryeministrja e dytë që lind gjatë mandatit, shkruan AA. /tesheshi.com/
