Një këshilltar ushtarak rus ka humbur jetën në Siri pas bombardimeve në Halep nga forcat kryengritëse, lajmëron Ministria ruse e Mbrojtjes.
Koloneli Ruslan Galitsky është plagosur gjatë bombardimeve të kryengritësve në perëndim të Halepit, dhe ka humbur jetën më pas në spital nga plagët e rënda.
Siç raporton Russia Today, 22 pjesëtarë të personelit ushtarak rus kanë humbur jetën në Siri që nga fillimi i operacionit ushtarak të Rusisë.
Ndërkaq, në fushën e betejës, kryengritësit janë tërhequr nga zonat e fundit që mbanin në qytetin e vjetër të Halepit.
Observatori Sirian për të Drejtat e Njeriut ka raportuar se tërheqja ka ardhur pas luftimeve të ashpra në ditë e fundit.
Ushtria siriane e Beshar Esadit ka tani në kontroll dy të tretat e pjesës lindore të Halepit. /tesheshi.com/
