Agjencia Malazeze për Mbrojtjen e Mjedisit njoftoi të martën se po organizonte një kërkim për një këlysh luani, i cili dyshohet se u arratis nga pronari i tij në Budva në fund të janarit.
Në ftesën e dërguar qytetarëve thuhet se të mërkurën në orën 11.00 para selisë së Agjencisë në Podgoricë do të organizohet transporti për në Budva për kërkimin në terren, gjetjen dhe kapjen e këlyshit nga biologët. Pjesëmarrja në aksion është në baza vullnetare.
Siç thuhet, luani, nëse gjendet, do të vendoset në strehim të përkohshëm para se të gjendet një zgjidhje e përhershme në një nga strehëzat e luanëve.
Në fund të janarit, media malazeze raportoi se një këlysh luani ishte arratisur nga oborri i shtëpisë së një shtetasi të huaj që e mbante kafshën e natyrës së egër si kafshë shtëpiake.
Policia malazeze tha më pas se “po punonte për të përcaktuar rrethanat se si një këlysh luani në pronësi të një shtetasi të huaj hyri në Mal të Zi”.
Policia ka nisur një kërkim lokal, por pa sukses. /tesheshi.com/
