Për shumë njerëz, kafshët janë një mbështetje e shkëlqyeshme emocionale, prandaj nuk është për t’u habitur që qentë ose macet lejohen të hyjnë në spitale në të gjithë botën si pjesë e terapisë.
Por në një spital në Calais, Francë, një kal vjen si zgjidhje. Ata e quajnë atë “Doctor Peyo” dhe vizitojnë të gjithë: së pari fëmijët, dhe pastaj pacientët në pjesën e spitalit ku janë vendosur të sëmurët rëndë. Për ata që pritet të vdesin, Peyo do të thotë ngushëllim i madh në dhimbje.
“Ndihmon për të rilindur jetën në momentin e vdekjes, për t’i bërë njerëzit të luftojnë, por edhe për ta bërë më të lehtë në një farë mënyre për ata që humbin një të dashur”, tha trajneri i tij Hassen Bouchacourt për Guardian.
Ata po bashkëpunojnë gjithashtu me shkencëtarë që po shqyrtojnë aftësinë e Peyo për të ngushëlluar dhe qetësuar njerëzit që vuajnë. Gjithashtu, është vërtetuar që pacientët nuk kanë më nevojë për qetësues të fortë pas vizitës së tij, të paktën për një kohë.
Eshtë interesante që ai zgjedh se te kush dëshiron të shkojë. Ai arrin në dhomën ku dëshiron të hyjë dhe ngre këmbën. Trajneri i tij e di se çfarë ai dëshiron të thotë, kështu që ai e çon atë në atë dhomë. Kali është 15 vjeç dhe me sa duket në atë kohë ai mësoi të njohë njerëzit me tumore sepse i pëlqen më shumë të shkojë me ta.
Ai qëndroi pranë shtratit, duke i prekur me feçkën e tij dhe i le ta përkëdhelnin. Peyo i do shumë njerëzit, dhe veterinerët, pas katër vitesh studimi të sjelljes së tij, arrijnë në përfundimin se ai zgjedh njerëzit që janë më të dobëtit. /tesheshi.com/
