Në inat e sipër me Edi Ramën, ish-kryesocialisti Nano nxorri vite më parë një batutë që ngjau dhe si gjysëmakuze, atë që Ramën e kishte hasur në Paris me thonjë të paprerë dhe duke shitur ikona të vjedhura.
Por Bujar Luca, piktor, një artist që ka kaluar me Ramën ca vite në Paris, ka thënë se kjo nuk është aspak e vërtetë. “Nuk është e vërtetë. Edi Rama ishte thjesht një artist në Paris. Nëse një politikan e quan artistin të mjerë, është problemi i tij. Ai nuk ishte në gjendje të mjerë. Ai zgjodhi kthimin për arsye individuale, siç janë kthyer shumë të tjerë. Nëse e ka pasur fjalën se ai ishte në gjendje modeste ekonomike, siç është çdo artist, kjo varet si e koncepton ai artistin, por nuk mund të thuhet se një artist është në gjendje të mjerë, sepse artisti nga natyra e zgjedh vetë mënyrën e jetesës”, ka deklaruar Luca në një intervistë për shqiptarja.com.
Batuta e Nanos u lëshua në një periudhë acarimi mes tyre dhe pakkush e morri seriozisht. Por ajo ngjiti në atë pjesë të politikës që shprehi të tilla i kapitalizon në momente të caktuara për interesa të luftës së rëndomtë politike.
Nga ana e tij, Rama në Kurban ka folur me superlativa për Nanon, aftësitë e tij, e sidomos për vajzën e tij me studime në Paris, duke e fshikulluar vetëm për karakterin e tij prej përtaci e abuzuesi. /tesheshi.com/
