Bëhet fjalë për një ngjarje shumë të trishtë, e cila të mbush sytë me lot. Laura kishte vite që priste për transplantin e qelizave staminale, të cilat do t’i ndryshonin jetën, apo të paktën, do t’i jepnin një shpresë të re për të ardhmen.
Gjatë muajit korrik, dhuruesit u shumëfishuan, por për shkak të një gabimi në spital, Laura u llogarit në një listë të gabuar pritjeje. Ajo iu nënshtrua kemioterapisë. Familja u mundua të gjente një spital tjetër ku të mund të bënin gjithë ndërhyrjen që i duhej vajzës, por listat e pritjes tashmë ishin të mbushura. Bëhet fjalë për një operacion me kosto me t vërtetë të lartë: 250 mijë dollarë.
Në muajin gusht, më në fund Laura arriti të siguronte një shtrat në spital dhe iu nënshtrua ndërhyrjes, por kanceri, prej së cilit vuante, iu shfaq sërish disa muaj më pas. Kështu Laura përfundoi terapinë intensive, por janari ishte një muaj shumë i rëndë për të.
Familja e saj ishte e emocionuar dhe shpresonte për më të mirën. Laura duhej të shkonte në City of Hope, një spital në Kaliforni, për një trajtim më të specializuar më 18 janar, por nuk ishte në gjendje të udhëtonte, për shkak të komplikimeve shëndetësore.
Disa javë më vonë ndërroi jetë dhe funerali u mbajt më 30 janar. Laura Hillier, një vajzë 18-vjeçare nga Burlington, Kanada kishte vite që luftonte për të mposhtur leukeminë akute. Edhe pse nuk pati mundësinë të diplomohej, shokët e saj të shkollës arritën t’i realizonin një funeral prekës dhe që do të mbahet mend gjatë. /tesheshi.com/
