Një përqafim me mikun më të mirë, një e qarë çliruese për faktin se i dha fund sundimit kinez në hedhjet nga trampolina. Por mbi të gjitha sepse arriti një sukses i cili shtatë vjet më parë do të ishte dukur i paimagjinueshëm.
Chris Mears dhe Jack Laugher fituan medaljen e artë në trampolinën prej 3 metrash në Olimpiadën e Rios. Një fitore që nuk e kishte shpresuar ajo e Mears, nëse kihet parasysh janari 2009.
Që atëherë një talent premtues anglez, asokohe 16-vjeçari ndodhej në Australi kur pati një këputje në shpretkë. Pavarësisht se po humbiste shumë gjak, askush nuk e vuri re acarimin e rëndë: Chris kishte marrë virusin Epstein-Barr, që shkakton mononukleozën dhe disa lloje linfome.
Kur mbërriti në spital mjekët i dhanë vetëm 5% shpresa për të mbijetuar. Një rikthim te garat për të ishte për t’u konsideruar si një mirazh. Shtatë orë operacion dhe tre ditë në koma, nga e cila zakonisht vijnë probleme cerebrale dhe fizike. Doli pa shpretkë dhe me një shenjë të madhe në bark, por ja që pas një viti Chris ndodhej sërish në trampolinë, në lojërat e Komouelthit.
Një përrallë me fund të bukur, fitimin e medaljes së artë në Lojërat e Olimpiadës së XXXI-të. /tesheshi.com/
