Janë gjetur të dy të shtrirë në shtratin e shtëpisë, gati për të kaluar në botën tjetër. Të kapur dorë më dorë.
Bëhet fjalë për një tragjedi të vërtetë për arsye ekonomike. Kanë qenë pikërisht këto arsye që kanë shtyrë një çift bashkëshortësh nga Brescia e Italisë, ai 59-vjeç dhe ajo 51-vjeçe të qëllohen të dy me armë në kokë.
Janë ulur pranë njëri-tjetrit dhe kanë vendosur armën në kokë, duke shpresuar se me një plumb do të mund të largoheshin të dy nga kjo botë.
Mirëpo nuk ndodhi pikërisht ashtu. Burri, Stefano Inzoli, ndërroi jetë në moment. Bashkëshortja e tij, Emanuela Vanorio, u gjet pa ndjenja dhe u transportua me urgjencë në spitalin Civil të Brescias, ku ndodhet në gjendje kritike për jetën.
Sipas të dhënave paraprake nga karabinierët, i pari është qëlluar me armë burri, i cili ka qenë një ish roje në gjykatë dhe më pas gruaja. /tesheshi.com/
